Սահմանադրական դատարանի մուտքի մոտ միջադեպ է տեղի ունեցել։ Նախնական տեղեկություններով՝ Հրանտ Նազարյանը ցանկացել է մտնել շենք, սակայն ոստիկանները թույլ չեն տվել։ Հիշեցնենք՝ ուժի մեջ մտած Սահմանադրության փոփոխություններով դադարել են Հրայր Թովմասյանի պաշտոնավարումը Սահմանադրական դատարանի նախագահի պաշտոնում, ինչպես նաև ՍԴ դատավորներ/անդամներ Հրանտ Նազարյանի, Ֆելիքս Թոխյանի և Ալվինա Գյուլումյանի լիազորությունները։ Տեղի ունեցածի վերաբերյալ գրառում է կատարել իրավապաշտպան Ռ․ Մելիքյանը։ |