ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+11 °C, +3 °C ... +12 °C Վաղը`+16 °C
«Կա՛մ իշխանություններն են խելքները գցել, կա՛մ մեզ են խելագար համարում». Արման Աբովյան
22:00, 03.07.2020 | mamul.am
4622 | 0

ԱԺ «Բարգավաճ Հայաստան» խմբակցության պատգամավոր Արման Աբովյանը ֆեյսբուքյան իր էջում գրել է․ «Ժամանակակից Հայաստանի քրոնիկները:

Երբ իշխանությունները փորձում են բոլորին համոզել, որ իրենք գործում են իրավական նորմերին համապատասխան, ապա ակամա այնպիսի զգացողություն է առաջանում, որ կա՛մ իշխանություններն են խելքները գցել, կա՛մ մեզ են
խելագար համարում:

Ահա միայն մի քանի էպիզոդ այսօրվա Հայաստանից. Ոստիկանությունը շարունակում է հակաիրավական գործողություններ և հարցաքննություններ իրականացնել «Բարգավաճ Հայաստան» կուսակցության անդամների դեմ:

Ոստիկաններն ապօրինի խոչընդոտում են Սահմանադրական դատարանի դատավորի պարտականությունների կատարմանը: Կորոնովիրուսով հիվանդացածների քանակն ավելացել է մոտ 600-ով ընդամենը մեկ օրում: Լրատվամիջոցների վրա ճնշում է գործադրվում, այսպես կոչված, դիմակ-գրոհ է
անցկացվել «ԱրմՆյուզի» գրասենյակում:

Ակտիվորեն շրջանառվում են հասարակական տրանսպորտի ուղևորափոխադրումների ուղեվարձի կտրուկ բարձրացման մասին լուրերը: Առողջապահության նախարարությունը կորցնում է կորոնավիրուսից զոհվածների
մարմինները: Իհարկե, ես ներողություն եմ խնդրում, բայց ի՞նչպես կարելի է անվանել ողջ այս անհեթեթությունը, որ կատարվում է երկրում»:

Կիսվի՛ր այս նյութով՝
դեպի վեր