Mamul.am
Ամբողջական տարբերակ Մամուլի խոսնակ
USD 485.00, EUR 570.60, RUB 6.64, GBP 632.83
+23 °C, +18 °C ... +31 °C Վաղը`+30 °C
Hay / Հայ | Рус | Eng | Tür
«Առանց Արցախի՝ անհնար է որևէ առաջընթաց ունենալ և արդյունավետ լուծումներ գտնել». Արայիկ Հարությունյան
18:10, 04.07.2020

Արցախի Հանրապետության նախագահ Արայիկ Հարությունյանը ֆեյսբուքյան իր էջում տեսանյութ է հրապարակել, որին կից գրել է. «Հարգելի՛ հայրենակիցներ

Այսօր ընդունել եմ ՀՀ արտաքին գործերի նախարար Զոհրաբ Մնացականյանին: Քննարկված հարցերից առանցքայինը, բնականաբար, ադրբեջանա-արցախյան հիմնախնդրի շուրջ վերջին զարգացումներն էին: Մեկ անգամ ևս վերահաստատել եմ պաշտոնական Ստեփանակերտի դիրքորոշումը, այն է՝.

ա) միջնորդական առաքելության առումով ԵԱՀԿ Մինսկի խմբի ձևաչափը մեզ համար շարունակում է մնալ ամենաընդունելին,

բ) բանակցային գործընթացում առանց Արցախի Հանրապետության՝ որպես լիիրավ կողմի լիարժեք մասնակցության անհնար է որևէ առաջընթաց ունենալ և արդյունավետ լուծումներ գտնել:

Իսկ Ադրբեջանի ռազմաքաղաքական ղեկավարության ապակառուցողական դիրքորոշումն ու ռազմատենչ հայտարարությունների շարունակումը կողմերին միայն զրկում է խաղաղ կարգավորման գործընթացում իրական արդյունք ապահովելու հնարավորությունից»:

Տեղեկացրե՛ք Ձեր մտերիմներին
| |
դեպի վեր