«Բարգավաճ Հայաստան» խմբակցության պատգամավոր Արման Աբովյանը ֆեյսբուքյան իր էջում գրել է․ «Այսօր վարչապետին պատկանող թերթում լույս տեսավ մի մեեեեեծ հոդված, որտեղ ՀՀ ԿԳՄՍ նախարարի տեղակալ Ժ. Անդրեասյանը փորձ է անում արդարացնել «Հայոց Եկեղեցու պատմություն» առարկայի հետ կապված իրադարձությունները։
Շատ երկար և բազմաբառ հոդված էր, որի բովանդակությունն (ավելի ճիշտ բովանդակության պակասը) ինձ համոզեց, որ այն համառությունը, որով առաջնորդվում է ԿԳՄՍ նախարարությունը, չունի ոչ մի հասկանալի և ընդունելի տրամաբանություն։
Բնավ նպատակ չունեմ վերլուծել այդ արդարացմանը միտված հոդվածը, սակայն պարզապես վերջակետ դնենք այս անիմաստ վեճին։
Խնդրում եմ, պարզապես հասկանալ, որ ոչ մի հիմնավոր և հասկանալի պատճառ չկա այսպես վարվել «Հայոց Եկեղեցու պատմություն» առարկայի հետ։ Չեմ դիտարկում դավադրությունների տեսությունը, բայց այսպիսի բացասական համառությունն այս առարկայի հանդեպ, միանշանակ, ինձ հանգեցնում է շատ կտրուկ եզրակացությունների։
Խելքի՛ եկեք, լուրջ եմ ասում, այս ամենը շատ վատ հետևանքներ է ունենալու...»: