+22 °C, +14 °C ... +26 °C Վաղը`+27 °C
ԱՄՆ-ի Բալթիմոր քաղաքում, որը գտնվում է Վաշինգթոնից ոչ հեռու, բողոքի ակցիայի մասնակիցները վնասել, ապա տապալել են Քրիստափոր Կոլումբոսի արձանը: Արձանը վեր էր խոյանում Փոքրիկ Իտալիա շրջանում: Հուլիսի 4-ին ԱՄՆ-ում տոնում են անկախության օրը: Երբ քաղաքում սկսվել է տոնական հրավառություն, հավաքվածներն արձանը նետել են քաղաքային նավահանգիստ: Վաշինգթոնում ևս տոնական արարողություններն առանց միջադեպերի չեն ընթացել: Թրամփի ելույթի ժամանակ ցուցարարներն այրել են ամերիկյան դրոշը, հետո ուղղություն վերցրել այն հրապարակ, որտեղ անց է կացվել հրավառությունը: Հիշեցնենք՝ անկարգություններն ԱՄՆ-ում շարունակվոմ են մայիսի 25-ից, երբ բերման ենթարկելու ժամանակ ոստիկանի գործողությունների հետևանքով մահացավ աֆրոամերիկացի Ջորջ Ֆլոյդը: Նախ, երկրում ծայր առան անկարգություններն ու կողոպուտը, հետո բողոքի ցույցերն ուղղվեցին ընդդեմ ոստիկանության, ռասիզմի ու խտրականության, որոնք ուղեկցվեցին պատմական հուշարձանների հանդեպ «պատերազմով»:
|
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am