Mamul.am
Ամբողջական տարբերակ Մամուլի խոսնակ
USD 485.32, EUR 572.14, RUB 6.66, GBP 635.72
+18 °C, +18 °C ... +31 °C Վաղը`+30 °C
Hay / Հայ | Рус | Eng | Tür
«Այս տարի դեռևս Սևանա լիճը չի «ծաղկել»». Սասուն Միրոյան
02:05, 07.07.2020

«Ջրայիկ կեմիտե»-ում խորհրդական աշխատող Սասուն Միրոյանը ֆեյսբուքյան իր էջում գրել է. «Ի տարբերություն նախորդ տարվա նույն ժամանակահատվածի՝ հունիս-հուլիս ամիսների համեմատ, այս տարի դեռևս Սևանա լիճը չի «ծաղկել»։

Սևանա լճի «ծաղկման» հիմնական պատճառներն են․

1․ Սևանա լիճ թափվող կոյուղաջրերը, որոնք ամբողջությամբ լիճ են լցվում առանց զտման։ Ի դեպ կոյուղաջրերը լցվում են ոչ միայն բնակավայրերից, այլ նաև լճի հարակից հատվածներում առկա սպասարկման և ժամանցի օբյեկտներից։

2․ Լճի ջրի մակարդակի բարձրացման հետեւանքով ջրածածկ և ափամերձ անտառաշերտից օրգանական նյութերի մուտքը լիճ:

3․ Բարձր ջերմաստիճանը, կլիմայական փոփոխությունն ու քամիների ինտենսիվությունը, որոնց պատճառով էլ նորմայից մի քանի անգամ ավելանում է գոլորշիացումը։

4․ 1940-ականներից Սևանա լճի մակարդակի կտրուկ իջեցման հետևանքով վնասվել է լճի սառը շերտը, որը կվերականգնվի մակարդակի բարձրացման հետ զուգահեռ։

Սևանա լճի «ծաղկման» առաջին դեպքը եղել է դեռևս 1964-ին։

հ․գ․ Սևանա լիճը իր ֆիզիկական, քիմիական, կենսաբանական ցուցանիշներով համարվում է խմելու համար բարձրորակ բնական ջրամբար և այդ տեսակետից՝ ՀՀ ռազմավարական գերակայական նշանակություն ունեցող բնական պաշար:

Տեղեկացրե՛ք Ձեր մտերիմներին
| |
դեպի վեր