+19 °C, +14 °C ... +26 °C Վաղը`+25 °C
ԱԺ «Իմ քայլը» խմբակցության պատգամավոր Մարիա Կարապետյանը ֆեյսբուքյան իր էջում գրել է. «Կուզեի հանրության ուշադրությունը հրավիրել մի հանգամանքի վրա։ Երբ հրապարակվեց Վենետիկի հանձնաժողովի հունիսի 19-ի կարծիքը Հայաստանում Սահմանադրական դատարանի 2015 թվականի մոդելի իրագործման վերաբերյալ, բոլորիս ուշադրությունն, իհարկե, գրավել էր Կառավարության տված երեք հարցերի պատասխանները։ Սակայն կարծիքի 35-րդ հոդվածում մի շատ հետաքրքիր միտք կա, որին քիչ ուշադրություն ենք դարձրել։ Հիմնավորելու համար, թե ինչու Սահմանադրական դատարանի դատավորները ոչ թե պետք է մինչև թոշակի տարիքը պաշտոնավարեն, այլ որոշակի ժամկետով, հանձնաժողովն ասում է․ «Տասներկու տարի ժամկետը լիովին համապատասխանում է եվրոպական չափանիշներին: Անժխտելի է, որ նման սահմանափակ ժամկետը թույլ է տալիս Դատարանի կազմի կանոնավոր և մասնակի թարմացում՝ ապահովելով բազմազանության և բազմակարծության որոշակի աստիճան և ներկայացուցչության ավելի մեծ հավասարակշռության: Այն թույլ է տալիս փոփոխվող խորհրդարանական մեծամասնությանը ընտրել այս կամ այն տենդենցի դատավորների և ավելի լավ արտացոլել հասարակության փոփոխվող քաղաքական և հասարակական հայացքները»: Սա շատ կարևոր է ֆիքսելու համար, որ որքան էլ Սահմանադրական դատարանը հանրային իշխանության մի մարմին է, որը ոչ միայն կուսակցական այլ նաև քաղաքական չեզոքություն պետք է պահապանի կոնկրետ քաղաքական գործընթացների նկատմամբ, այս մարմինը այնուամենայնիվ լայն իմաստով հանրության քաղաքական կյանքի մասն է, և դրա ներսում նույնպես պետք է լինի բազմազանություն, բազմակարծություն, ներկայացուցչականություն և արտացոլվեն հանրության արժեքները»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am