Վատիկանի մանկաբուժական հոսպիտալի բժիշկները տարանջատել են երկու տարեկան սիամական քույրերին, ովքեր սերտաճած էին գանգերով: Էրվինան ու Փրեֆինան Կենտրոնական Աֆրիկայից են:

Սա Իտալիայում, և հավանաբար, ամբողջ աշխարհում առաջին դեպքն է, երբ վիրահատությունը հաջող է ընթանում ամբողջական հետին կրանիոպագիայի (գանգերի սերտաճման) դեպքում:

Բժիշկները մեկ տարուց ավելի նախապատրաստվել են այս վիրահատությանը, ինչից հետո երեք միջամտութուն են արել: Վերջին վիրահատությունը տեղի է ունեցել հունիսին, մասնակցել է ավելի քան 30 բժիշկ ու բուժքույր:

Մեկ ամիս անց աղջիկներն իրենց լավ են զգում, բայց դեռ բժիշկների վերահսկողության տակ են:

Երեխանի մայրն իր երախտագիտությունն է հայտնել բժիշկներին ու հույս հայտնել, որ երեխաների կկնքի անձամբ Հռոմի պապ Ֆրանցիկոսը: