Renault-Nissan-Mitsubishi կոնցեռնի նախկին ղեկավար Կարլոս Գոնը 862,5 հազար դոլար է փոխանցել Փիթեր Թեյլորի ընկերությանը։ Թեյլորը կասկածվում է կոնցեռնի նախկին ղեկավար Կարլոս Գոնի՝ Ճապոնիայից Լիբանան փախուստի կազմակերպման մեջ՝ ամերիկյան հատուկ նշանակության նախկին զինվորականի ուղեկցությամբ: Այս մասին հայտնում է Reuters-ը՝ վկայակոչելով Մասաչուսեթսի դաշնային դատարանի նյութերը: Գումարը փոխանցվել է Promote Fox LLC ընկերությանը, որը ղեկավարում է 27-ամյա Փիթեր Թեյլորը և նրա եղբայրը։ 2019 թվականի աշնանը Փարիզի մի հաշվից երկու խոշոր տրանշերի միջոցով իրականացվել է փոխանցումը։ Ընկերությունն առաջին տրանշով ստացել է կանխիկ 540 հազար դոլար, այնուհետև՝ 322,5 հազար դոլար: |