ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
Դեղատների կանաչ խաչերը շփոթեցնում են վարորդներին. ի՞նչ է առաջարկում ԱԺ-ն
18:15, 08.07.2020 | mamul.am
4390 | 0

Ազգային ժողովն առաջին ընթերցմամբ ընդունեց Լիցենզավորման և Վարչական իրավախախտումների վերաբերյալ Հայաստանի Հանրապետության օրենսգրքում լրացումներ կատարելու մասին օրենքների նախագծերի փաթեթը: Նախագիծը հեղինակել են պատգամավորներ Մխիթար Հայրապետյանը, Նիկոլայ Բաղդասարյանը և Նարեկ Զեյնալյանը:

Ներկայացված նախագծի համաձայն՝ կարգավորումներ են սահմանվում դեղատների վրա առկա նշանների համար։

«Խաչմերուկներում, որտեղ տեղադրված են դեղատների կանաչ խաչերը, երբեմն նույնացվում են լուսացույցի հետ: Կառավարությունն ընդունել էր որոշում, որով, թվում է, հարցը պետք է կարգավորված լիներ: Ըստ օրենքի՝ դեղատների կանաչ խաչերը պետք է չլինեին թարթող, նաև սահմանված էր դրանց վառվելու ժամանակահատվածը: Սակայն չկար մարմին, որը վերահսկեր այդ ամենը»,- ասաց Ն․ Բաղդասարյանը։

Նախատեսվում է, որ վերահսկողություն իրականացնելու գործառույթը կկատարի Առողջապահական և աշխատանքի տեսչական մարմինը։ Կսահմանվի՝ առաջին անգամ նախազգուշացում, երկրորդ անգամ՝ տուգանք և միայն երրորդ անգամ՝ լիցենզիայի կասեցում։

Կիսվի՛ր այս նյութով՝
դեպի վեր