Հունաստանի մայրաքաղաքի կենտրոնում՝ խորհրդարանի շենքի առջև բողոքի զանգվածային ցույցեր են տեղի ունեցել՝ ընդդեմ հանրահավաքների սահմանափակման մասին օրինագծի։ Աթենքում հազարավոր մարդիկ դուրս են եկել փողոցներ՝ իրենց վրդովմունքն արտահայտելու նոր փոփոխության դեմ: Համաձայն նախագծի՝ դատախազությունն իրավունք ունի արգելել արդեն իսկ ծրագրված հանրահավաքը, եթե տեսնում է անկարգությունների սպառնալիք, գրում է Deutsche Welle-ն։ Ցուցարարները բերել են պաստառներ, որոնց վրա գրված է եղել «Ձեռքներդ հեռու պահե՛ք հանրահավաքից»: Ոստիկանությունն արցունքաբեր գազ է կիրառել ցուցարարների նկատմամբ։ |