ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+5 °C, +5 °C ... +16 °C Վաղը`+19 °C
Վրաստանի ԱԳՆ-ն հրավիրել է Ուկրաինայի դեսպանին՝ Սաակաշվիլիի հայտարարությունների պատճառով
17:20, 10.07.2020 | mamul.am
6258 | 0

Թբիլիսիում Ուկրաինայի դեսպան Իգոր Դոլգովը հրավիրվել է Վրաստանի արտգործնախարարություն՝ պարզաբանելու Ուկրաինայի բարեփոխումների գործադիր կոմիտեի ղեկավար Միխայիլ Սաակաշվիլիի հայտարարությունը:

«Վրացական կողմը ևս մեկ անգամ շեշտում է, որ վրաց-ուկրաինական ռազմավարական և բարեկամական հարաբերությունները մտահոգություն են առաջացնում՝ Ուկրաինայի պաշտոնատար անձի կողմից վրացական իշխանություններին ուղղված անընդունելի հայտարարությունների կապակցությամբ»,- ասված է ԱԳՆ-ի կողմից տարածված հաղորդագրության մեջ:

Ավելի վաղ՝ Վրաստանի խորհրդարանի պաշտպանության և անվտանգության հարցերով հանձնաժողովի նախագահ Իրակլի Սեսիաշվիլին հայտարարել է, որ Թբիլիսին Կիևից բացատրություն կպահանջի Վրաստանի նախկին նախագահ, Ուկրաինայի բարեփոխումների գործադիր կոմիտեի ղեկավար Միխայիլ Սաակաշվիլիի նոր հայտարարությունից հետո:

Կիսվի՛ր այս նյութով՝
դեպի վեր