Ինչպես հայտնել էինք, ԲՀԿ ղեկավար Գագիկ Ծառուկյանն այսօր հայտարարություն է տարածել՝ նշելով. «Ինձ մոտ կա հիմնավոր կասկած, որ իշխանությունը չի պատկերացնում պրոբլեմների իրական ծավալը։ Չի պատկերացնում, որ առաջիկայում մենք ունենալու ենք 200-300 հազար նոր գործազուրկ, որ փակվում են տասնյակ հազարավոր բիզնեսներ, որ սնանկանում են բիզնեսի ամբողջական ուղղություններ»։ Թեմայի առնչությամբ «Իմ քայլը» խմբակցության պատգամավոր Արփի Դավոյանը «Ֆակտոր»-ի եթերում ասել է. «Ես կցանկանայի, որ այն, ինչ գրված է այդ հայտարարության մեջ, նա բառացի ասեր։ Այդ տեքստերը նրա անունից գրում են ու տարածում։ Բացի այդ, Գագիկ Ծառուկյանը թող ժամանակին իր մտահոգությունները հայտներ, երբ դղյակներ էր կառուցում»։ Մանրամասները՝ տեսանյութում: |