Mamul.am
Ամբողջական տարբերակ Մամուլի խոսնակ
USD 485.32, EUR 572.14, RUB 6.66, GBP 635.72
+21 °C, +20 °C ... +32 °C Վաղը`+31 °C
Hay / Հայ | Рус | Eng | Tür
Տիգրանակերտում վերսկսվում են պեղումները
00:40, 11.07.2020

Արցախի Հանրապետության կրթության, գիտության և մշակույթի նախարարությունը տեղեկացնում է. «Չորրորդ օրն է՝ Տիգրանակերտում սկսվել են հնագիտական հետազոտությունները: Ինչպես ամեն տարի, սկզբի մեկ շաբաթը հատկացվում է նախկինում պեղված տարածքների մաքրմանը: Շուրջ երկու հեկտար զբաղեցնող ճարտարապետական կառույցներն ու մշակութային շերտերը մաքրվում են բուսականությունից, անասնական կեղտից, ընկած քարերը դրվում են իրենց տեղը, բարեկարգվում են միջհուշարձանային ճանապարհները:
Եվս երկու օր և Տիգրանակերտի երեք հիմնական պեղավայրերում` Ամրացված թաղամասի հյուսիսային պարսպապատում, Անտիկ երկրորդ թաղամասում և Վաղքրիստոնեական հրապարակում կսկսվեն պեղումները:
Համավարակն իր խիստ պայմաններն է թելադրում նաև այստեղ` պարտադիր ջերմաչափում և գրանցում, ձեռքերի և գործիքների մանրէազերծում, դիմակների կրում, սոցիալական հեռավորության պահպանում:
Մի խոսքով` հնագիտություն համավարակի պայմաններում»:

Տեղեկացրե՛ք Ձեր մտերիմներին
| |
դեպի վեր