Երևանի ավագանու «Իմ քայլը» խմբակցության անդամ Գայանե Մելքոմ Մելքոմյանը ֆեյսբուքյան իր էջում գրել է. «Շուտով քաղաքում որոշ ծառերի վրա փակցված կտեսնեք այսպիսի ծանուցումներ: Դա կնշանակի, որ տվյալ ծառը չոր է և/կամ վթարային, և առաջիկայում հատվելու է` Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի կողմից: Այսօր քաղաքում կա ավելի քան 500 չորացած ծառ` ենթակա սանիտարական հատման: Այս աշխատանքը ևս կանաչ տարածքների խնամքի կարևոր մաս է»: |