Mamul.am
Ամբողջական տարբերակ Մամուլի խոսնակ
USD 485.23, EUR 570.68, RUB 6.59, GBP 633.52
+31 °C, +19 °C ... +34 °C Վաղը`+32 °C
Hay / Հայ | Рус | Eng | Tür
«Զգուշացում իշխանություններին». Արամ Սարգսյան
00:05, 14.07.2020

Հայաստանի Դեմոկրատական կուսակցության նախագահ Արամ Սարգսյանը ֆեյսբուքյան իր էջում գրել է. «Զգուշացում իշխանություններին

Կարծում եմ ՊՆ վերլուծական կենտրոններում դասակարգում են Ադրբեջանի կողմից սադրիչ գործողությունների հեռահար սցենարները: Սակայն հարկ եմ համարում հիշեցնել, որ 2008 թ., իմ ունեցած տեղեկատվությունների համաձայն, եթե վրաց-հարավօսիական հակամարտության արդյունքում Վրաստանը հասներ իր նպատակին (մանրամասները այս պահին կարևոր չեն), Ալիևը, օգտվելով առիթից, պլանավորում էր Տավուշի սահմանին սադրել ռազմական գործողություններ, ստեղծել տպավորություն, թե հարձակում է նախապատրաստում այդ ուղղությամբ, որպեսզի հայկական զինված ուժերի զգալի մասը կենտրոնանա հայ-ադրբեջանական սահմանի երկայնքով: Երկու-երեք օր պահպանելով լարվածությունը, շեղելով մեր ուշադրությունը, նախատեսում էին լայնածավալ ռազմական գործողություններ սկսել Արցախում և,հատկապես, Նախիջևանի ռազմականացված տարածքից: Չէր բացառվում, (այսօր էլ հնարավոր է լինի), որ մի տատիկ զոհաբերվեր, որպեսզի աշխարհով մեկ ցուցադրվեր հայերի «գազանությունը»:
Հիմա դեռ պարզ չէ, թե ինչն է «ոգևորել» Ալիևին և որն է այս պահի դրդապատճառը՝ Ալիևի հնարավոր պաշտոնանկությունը, կամ դրանից խուսափելը, թե թուրքալեզու ազգերի միավորման միջոցով, նեոօսմանական նպատակների իրականացման սկիզբը դնելը, թե Էրդողանի տարածաշրջանում անեկսիոնիստական քաղաքականության հերթական դրսևորումը: Հնարավոր են այլ տարբերակներ: Դրան դեռ կանդրադառնանք:
Հիմա, մեզ համար գլխավորն է բացահայտել թշնամու պլանավորած քայլերի գաղտնիությունը, ներկայացնել այն միջազգային պատկան մարմիններին և պարզ գիտակցել, որ հարձակումը և դա նախապատրաստելու պլանը Բաքուն, հավանաբար, չի փոխել: Զգոն լինենք և առաջին հերթին ապավինենք մեր բանակի հզորությանը և մեր ազգի միասնությանը:
Եթե, իհարկե, վարչապետը պատմությունից սերտի, որ հայ ազգը «սպիտակների» և «սևերի» բաժանում չի ներում:

Մի բան ել ասեմ: Այնպես չլինի, որ հենց նեղ օրերին հիշեք մեր դաշնակիցների անհրաժեշտ օգնության մասին»:

Տեղեկացրե՛ք Ձեր մտերիմներին
| |
դեպի վեր