ԱՄՆ Պետդեպարտամենտի խոսնակ Մորգան Օրթագուսը հայ-ադրբեջանական սահմանին տիրող լարված վիճակի վերաբերյալ հայտարարություն է տարածել։ «Կոչ ենք անում կողմերին անմիջապես դադարեցնել ուժի կիրառումը, օգտագործել գոյություն ունեցող կապի միջոցները՝ իրավիճակի հետագա սրացումից խուսափելու համար ու խստորեն պահպանել հրադադարը։ Որպես ԵԱՀԿ Մինսկի խմբի համանախագահող երկիր՝ Միացյալ Նահանգները շարունակում է լրջորեն աջակցել կողմերին՝ Լեռնային Ղարաբաղի հակամարտության տևական, խաղաղ կարգավորմանը հասնելու համար: Մենք կշարունակենք ակտիվորեն ներգրավված լինել այդ նպատակին հասնելու համար»,- նշել է Օրթագուսը: