Mamul.am
Ամբողջական տարբերակ Մամուլի խոսնակ
USD 484.83, EUR 571.91, RUB 6.61, GBP 634.16
+22 °C, +18 °C ... +29 °C Վաղը`+29 °C
Hay / Հայ | Рус | Eng | Tür
Գիտնականները հայտնաբերել են մազերի աճի համար պատասխանատու մոլեկուլներ
17:25, 02.08.2020

Ամերիկացի գիտնականները հայտնաբերել են միկրոօրգանիզմ, որը նպաստում է մազերի վերականգնմանը և ապագայում կարող է հիմք դառնալ ճաղատության դեմ դեղամիջոցների մշակման համար: Հետազոտության արդյունքները հրապարակվել են Science Advances ամսագրում:
Վերջին ուսումնասիրությունները ցույց են տվել, որ մազերի ֆոլիկուլները չեն անհետանում ճաղատ հատվածներում, այլ պարզապես սեղմվում են։ Գիտնականները կարծում են, որ եթե այդ հատվածներում ակտիվացվեն պապիլլա բջիջներն, ապա ֆոլիկուլները կարող են վերականգնվել:
Հյուսիսային Կարոլինայի համալսարանի կենսաբանները լաբորատոր փորձարկումներում ԴՍ-բջիջներ են մշակել՝ որոնցում վերստեղծվել է բջիջների բնական միկրոսխեման:
Մկների վրա կատարված փորձերի արդյունքում գիտնականները դիտարկել են, թե որքան արագ են աճում մազերը կրծողների վրա՝ մշակված DS բջիջներով։
3D DS բջիջներով բուժվող մկների մոտ 15 օրվա ընթացքում ամբողջովին վերականգնվել է մազերի 90%-ը:
«Կերատինային հիմքի վրա 3D բջիջները ցույց են տվել լավագույն արդյունքները, քանի որ կերատինը հանդես է գալիս որպես պաշտպանիչ միջոց»,- համալսարանի մամուլի տեղեկագրում մեջբերված է հետազոտության ղեկավար Կե Չենի (Ke Cheng) խոսքը: «Բայց մեզ հետաքրքրում էր նաև, թե ինչպես են DS բջիջները կարգավորում ֆոլիկուլների աճի գործընթացը, ուստի մենք հետևել ենք նաև էկզոսոմներին»:
Էկզոսոմները թաքնված պարկեր են, որոնք կարևոր դեր են կատարում միջբջջային հաղորդակցման մեջ։ Այս պարկերը պարունակում են միկրոօրգանիզմներ, փոքր մոլեկուլներ, որոնք կարգավորում են գենի էքսպրեսիան։
Հեղինակներն ուսումնասիրել են միկրոօրգանիզմների կազմը էկզոսոմներում, որոնք ստացվել են ինչպես 2D, այնպես էլ 3D ԴՍ-բջիջներից, և պարզել են, որ մազերի վերականգնման գործում կարևոր դեր է խաղում miR-218-5p մոլեկուլը, որն ամրապնդում է մոլեկուլային ուղին, որն էլ իր հերթին պատասխանատու է մազերի ֆոլիկուլի աճի խթանման համար:
«3D-բջիջների օգտագործմամբ բջջային թերապիան կարող է արդյունավետ միջոց լինել ճաղատության բուժման համար»,- ասել է Չենը։ -Մոլեկուլները պետք է աճեցնել, պահպանել և ներարկել վնասված հատվածներում»:
Գիտնականները փորձնականորեն հաստատել են, որ miR-218-5p-ի ավելացումը նպաստում է մազերի ֆոլիկուլի աճին։ Հեղինակները կարծում են, որ ապագայում նրանց կողմից հայտնաբերված միկրոօրգանիզմների օգտագործումը թույլ կտա ստեղծել կրեմ կամ լոսյոն մազերի վերականգնման և աճի համար:

Տեղեկացրե՛ք Ձեր մտերիմներին
| |
դեպի վեր