+13 °C, +13 °C ... +27 °C Վաղը`+28 °C
«Սասնա ծռեր»-ի անդամ Արեգ Կյուրեղյանը ֆեյսբուքյան իր էջում գրել է. «2016-ի հուլիսին դատավոր Մակյանը շինծու մեղադրանքով Ալեք Ենիգոմշյանին կալանավորելու որոշում կայացրեց՝ հաշվի չառնելով, չկաշկանդվելով անգամ այն փաստից, որ Ալեք Ենիգոմշյանը կուրացել և կորցրել է մեկ ձեռքը հանուն Հայոց հաղթանակի։ Իհարկե, հետագայում այդ գործը կարճվեց ապացույցների գոյություն չունենալու պատճառով։ Բայց դե մենք չենք մոռանում, որ դատավոր Մակյանը պատվերով բանտարկում էր անմեղ մարդկանց, անգամ մեր բոլորի հպարտություն Ալեք Ենիգոմշյանին։ Ասում և վերահաստատում ենք, որ դատավորներ Մակյանը, Բեկթաշյանը, Մնացական Մարտիրոսյանը և շատ այլ դատավորներ ակնհայտ շինծու գործերով, ոտնահարելով արդարությունն ու ՀՀ օրենսդրությունը, բանտարկել են բազում անմեղ ՀՀ քաղաքացիների։ Ու անկասկած Հայ ժողովրդի առաջ իրենց գործած հանցանքների համար ենթակա են հատուցման։ Անկասկած պատժվելու են նաև այն քննիչները, ովքեր վերոնշյալ բարձրաձայնած աներկբա ճշմարտության ետևից գնալու փոխարեն, քրեական գործեր են հարուցում այդ ճշմարտությունը բարձրաձայնողների հանդեպ։ «Կեցցե այն Հայաստանը, որ վաղն է գալու»»։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am