Mamul.am
Ամբողջական տարբերակ Մամուլի խոսնակ
USD 485.26, EUR 574.98, RUB 6.46, GBP 629.67
+26 °C, +15 °C ... +27 °C Վաղը`+26 °C
Hay / Հայ | Рус | Eng | Tür
Վրաստանի նախկին վարչապետ Մերաբիշվիլին հայտարարել է Իվանիշվիլիի դեմ պայքարի մասին
16:05, 03.08.2020

Վրաստանի նախկին վարչապետ ու ՆԳ նախարար Վանո Մերաբիշվիլին, ով համարվում էր Վրաստանում ամենաազդեցիկ քաղաքական գործիչներից մեկը, հայտարարել է, որ չի հավակնում խորհրդարանի անդամ լինելու կամ կառավարությունում որևէ պաշտոն զբաղեցնելու, սակայն պատրաստ է ստանձնել շարքային մարտիկի դերը, գրում է Sputnik Georgia-ն։
Վանո Մերաբիշվիլին Facebook սոցցանցում գրել է․ «Ես ներգրավվելու եմ Իվանիշվիլիի ռեժիմի դեմ պայքարում, դա լինելու է պայքար ոչ թե անձնական շահի, այլ իմ ազգի ապագայի համար»։ Խոսելով Սաակաշվիլիի հիմնադրած կուսակցության մասին՝ Մերաբիշվիլին գրել է․
«Մոտենում են մեր երկրի համար կարևորագույն օրերը: Նորացված «Ազգային շարժումը» միակ ուժն է, որն այս պայքարում որոշիչ դեր է ունենալու, ընտրություններում հաղթանակ տանելու և ազգին ապագա վերադարձնելու բավարար հնարավորություններ ունի»:
Հիշեցնենք` Վանո Մերաբիշվիլին փետրվարի 20-ին ազատ էր արձակվել 6 տարի 9 ամիս կալանքից հետո։ Նա Վրաստանի նախկին նախագահ Միխայիլ Սաակաշվիլիի «Միավորված ազգային շարժում» կուսակցության նախկին անդամ է:

Տեղեկացրե՛ք Ձեր մտերիմներին
| |
դեպի վեր