Էգեյան ծովի արևմուտքում գտնվող Ալոնիսոս կղզու մոտ առաջին հունական ստորջրյա թանգարանը բացվել է այն վայրում, որտեղ մ.թ.ա. 425-ին խորտակվել է գինու սափորներ տեղափոխող նավը։ Այն հայտնաբերել է տեղի ձկնորսներից մեկը՝ 1985-ին, հայտնել է երկրի մշակույթի նախարարությունը: Օգոստոսի 3-ից մինչև հոկտեմբեր թանգարանը հասանելի կլինի դայվերների համար, հետագայում այն կաշխատի մշտապես։ «Սա Հունաստանում առաջին ստորջրյա հնագիտական հուշարձանն է, որը հասանելի կլինի հանրությանը»,- բացման նախօրեին հայտարարել է Հունաստանի մշակույթի և սպորտի նախարար Լինա Մենդոնին: |