Քիչ առաջ Վայոց Ձորի ոստիկանության մարզային վարչության պետ Գևորգ Ազիզյանը հայտարարեց, որ հինգ րոպե ժամանակ է տալիս Ամուլսարի հանքը հսկող ակտիվիստներին, որպեսզի բացեն Ջերմուկ տանող ճանապարհը: Նա նշեց, որ ոչ մի քաղաքացի չպիտի մնա դրսում և տուժի վերջինների գործողություններից: «Բոլորն ունեն ազատ տեղաշարժման իրավունք և ճանապարհը պետք է բացվի»,- ասաց ոստիկանապետը: Հիշեցնենք, որ տևական ժամանակ է՝ Ամուլսարի հանքը հսկող քաղաքացիները փակել են Ջերմուկի ճանապարհը: Բնապահպան Շիրակ Բունիաթյանն էլ առաջարկեց տուն գնալ՝ վաղն ավելի մեծ և թարմ ուժերով պայքարը շարունակելու համար: |