Քաղաքագետ Հայկ Մարտիրոսյանը ֆեյսբուքյան իր էջում գրել է. «Հայաստանում ընդհանրապես չեն խոսում լիբանանահայ համայնքի ապագայի մասին, որն այլևս լրջորեն վտանգված է: Հատկապես այս պայթյունից հետո երբեմնի հարուստ, իսկ հիմա չքավորության հասած լիբանանահայ համայնքն ավելի է ձգտելու փախչել երկրից: Մտածո՞ւմ է արդյոք Փաշինյանի ռեժիմը նրանց ներգաղթ կազմակերպելու մասին: Թե՞ սիրիահայ գաղութի պես այս կարևոր համայնքն էլ կմեկնի կանադաներ և ավստրալիաներ ու ընդամենը մեկ սերունդ անց կձուլվի տեղի մշակույթներին` հայկականից պահպանելով միայն ապրիլի քսանչորսի եռագույն թափահարելու բարի և արդեն դատարկ դարձած ավանդույթը: Սփյուռքի հանձնակատարի գրասենյակն ունի՞ ծրագիր: Գործ արվո՞ւմ է ընդհանրապես: Իսկ Արտգործ նախարարություը որևէ բան մտածո՞ւմ է այս ուղղությամբ: Ապազգային մանկուրտների այս ռեժիմը ոչնչի վերաբերյալ ոչ մի ծրագիր էլ չունի: Ոչնչով չի մտահոգվում: Միակ մտահոգությունն իշխանության մնալն է, որն էլ ռեժիմը, իրեն հատուկ գավառամտությամբ փորձում է անել՝ ասֆալտ փռելով կամ ասֆալտին փռելով միայն»: |