Լիբանանը չունի բավարար միջոցներ՝ Բեյրութի նավահանգստում տեղի ունեցած պայթյունից վերականգնվելու համար: Այս մասին այսօր հայտարարել է երկրի էկոնոմիկայի և առևտրի նախարար Ռաուլ Նեհմենը, հայտնում է Sky News Arabia-ն: «Լիբանանը չունի ֆինանսական միջոցներ պայթյունի հետևանքները հաղթահարելու համար: Մենք հայցում ենք օգնություն ստանալ միջազգային հանրությունից: Պայթյունի հետևանքով պատճառված վնասը գնահատվում է միլիարդավոր դոլարներ: Մեզ ժամանակ կպահանջվի ամբողջ հասցված վնասի գնահատման համար»,- ասել է Նեհմենը: Նա հավելել է, որ «Լիբանանի համար միակ լուծումը համագործակցությունն է Արժույթի միջազգային հիմնադրամի հետ»: |