Mamul.am
Ամբողջական տարբերակ Մամուլի խոսնակ
USD 485.42, EUR 568.62, RUB 6.36, GBP 618.13
+15 °C, +15 °C ... +27 °C Վաղը`+28 °C
Hay / Հայ | Рус | Eng | Tür
Եվրոպայում #COVID_19 համաճարակով պայմանավորված իրավիճակը վատթարանում է
17:25, 06.08.2020

Ֆրանսիայի առողջապահության նախարարությունը՝ «վարակների աննախադեպ աճ» նախադասությամբ է նկարագրել վերջին 24 ժամվա ընթացքում գրանցված նոր դեպքերի թիվը, որը մոտ է 1 700 է, հայտնում է Euronews-ը։ Իշխանությունները ջանքեր են գործադրում խուսափելու երկրորդ անգամ կարանտին սահմանելուց, սակայն մինչ այժմ բոլոր փորձերը որևէ դրական ձևով չեն ազդել մոլեգնող համաճարակի մասշտաբի փոքրացման վրա:

Ֆրանսիայի բոլոր առողջարանային քաղաքներում դիմակների կրումը դարձել է պարտադիր, սակայն քչերն են հասարակական վայրերում պահպանում սոցիալական հեռավորությունը:

Հարևան Իսպանիայում նմանատիպ իրավիճակ է տիրում, անգամ նոր հիվանդների թվերը համընկնում են Ֆրանսիայում առկա թվերին:

Անցյալ շաբաթ Մեծ Բրիտանիան պարտադիր դարձրեց Իսպանիայից ժամանած անձանց համար կարանտինի սահմանումը, սակայն միջոցառումներ են ձեռնարկվում նաև տարածաշրջանային մակարդակում: Գերմանիայում վարակիրների թիվը գերազանցել է 214 հազարը, և իշխանությունները հայցում են չեղարկել բոլոր ուղևորությունները դեպի Բելգիա, քանի որ Անտվերպենում առկա է COVID-ի հզոր բռնկումը:

Եվրոպայում #COVID_19 համաճարակով պայմանավորված իրավիճակը վատթարանում է
Տեղեկացրե՛ք Ձեր մտերիմներին
| |
դեպի վեր