Mamul.am
Ամբողջական տարբերակ Մամուլի խոսնակ
USD 485.29, EUR 569.58, RUB 6.39, GBP 620.78
+26 °C, +15 °C ... +26 °C Վաղը`+27 °C
Hay / Հայ | Рус | Eng | Tür
ՈՒԵՖԱ-ն՝ հանդիսականներին մարզադաշտ վերադարձնելու մասին
18:40, 06.08.2020

ՈՒԵՖԱ-ի անդամ 55 ասոցիացիաների գլխավոր քարտուղարներն այսօր մասնակցել են ՈՒԵՖԱ-ի կողմից կազմակերպված տեսակոնֆերանսի՝ քննարկելու ՈՒԵՖԱ-ի հովանու ներքո անցկացվող մրցաշարերի (ակումբային, ազգային և երիտասարդական հավաքականների) վերսկսումը:

Մանրամասնորեն քննարկվել են ազգային հավաքականների՝ սեպտեմբերի կայանալիք հանդիպումների հետ կապված խնդիրները: ՈՒԵՖԱ-ն և ազգային ասոցիացիաները պետք է շարունակեն սերտ համագործակցությունը, որպեսզի կարողանան ապահովել հանդիպումների պատշաճ անցկացումը:

Ինչպես ՈՒԵՖԱ-ն, այնպես էլ ազգային ասոցիացիաները կարևորում են երկրպագուների առկայությունը մարզադաշտերում, սակայն COVID-19-ի համաճարակով պայմանավորված՝ իրավիճակը Եվրոպայում առայժմ շատ անկայուն է: ՈՒԵՖԱ-ն ուշադրությամբ հետևելու է իրավիճակի զարգացմանը տարբեր երկրներում՝ հասկանալու՝ որքանով է հնարավոր փոփոխել հանդիպումներն առանց հանդիսականների անցկացնելու որոշումը:

Քննարկվեցին նաև երիտասարդական և պատանեկան հավաքականների մասնակցությամբ մրցաշարերը, ներառյալ այդ հանդիպումների մեծ մասը 2021 թ. գարուն տեղափոխելու հնարավորությունը:

Տեղեկացրե՛ք Ձեր մտերիմներին
| |
դեպի վեր