Mamul.am
Ամբողջական տարբերակ Մամուլի խոսնակ
USD 485.26, EUR 574.98, RUB 6.46, GBP 629.67
+17 °C, +15 °C ... +27 °C Վաղը`+27 °C
Hay / Հայ | Рус | Eng | Tür
«Կրկին պատրաստվում եմ հանդես գալ զինվորական կերպարով». Աննա Հակոբյան
19:55, 06.08.2020

Տավուշի սահմանին հուլիսյան ռազմական գործողությունների ժամանակահատվածում, երբ ՀՀ վարչապետի տիկին, հասարակական գործիչ Աննա Հակոբյանը լուսանկարներ հրապարակեց զինվորական հագուստով, հասարակության մի հատված սկսեց քննադատել Աննա Հակոբյանի այդ կերպարը: Քաղաքացիներն առավել սևեռվել էին վարչապետի տիկնոջ այն հրապարակման վրա, որտեղ վերջինը խաղաղության կոչով էր հանդես եկել և հայտարարությանը կցել էր զինվորական հագուստով լուսանկար:

Այսօր «Ազատություն» ռ/կ-ի եթերում անդրադառնալով այդ հարցին՝ Աննա Հակոբյանն ասաց. «Այո, առաջիկայում կրկին պատրաստվում եմ հանդես գալ զինվորական կերպարով: Հասարակության կողմից ընկալվել-չընկալվելու հարցը չեմ հասկանում: Չնայած հասկանում եմ, որովհետև քննարկման առարկա շատ է դառնում, շահարկումներ էլ շատ են լինում, բայց առաջին հերթին ուզում եմ հիշեցնել, որ ես միակ կինը չեմ, որ զինվորական համազգեստ է կրել...: Որոշ ուժեր շատ են սիրում ամեն դետալ մեծ աղմուկի վերածել և յուրաքանչյուր քայլի հետևում քննարկումներ հրահրել՝ ի վնաս ինձ և իմ ամուսնու»:

Տեղեկացրե՛ք Ձեր մտերիմներին
| |
դեպի վեր