+26 °C, +14 °C ... +26 °C Վաղը`+25 °C
Կինոռեժիսոր, Հայաստանի եվրոպական կուսակցության նախագահ Տիգրան Խզմալյանն այսօր «Ֆակտոր»-ի եթերում անդրադարձել է Ամուլսարի շուրջ վերջին զարգացումներին: «Այստեղ բազմաթիվ խնդիրներ կան։ Մակերեսին մենք տեսնում ենք հսկայական բնապահպանական խնդիր, որն առնչվում է ազգային անվտանգությանը, սակայն այստեղ կան քաղաքական, հասարակական, հոգեբանական խնդիրներ։ Դա նշանակում է, որ Կառավարությունը մարտահրավեր է նետում քաղաքացիական հասարակությանը։ Սա նշանակում է դավաճանություն ժողովրդավարության այն սկզբունքների նկատմամբ, որի համար 2 տարի առաջ բոլորս կանգնել էինք։ Փաստորեն, Կառավարությունից և Նիկոլ Փաշինյանից պահանջվեց 2 տարի և 2 ամիս՝ գաղափարներին դավաճանելու համար...: Մենք ավելի ծանր ենք տանում այս նահանջը, որովհետև Սերժ Սարգսյանին ու Քոչարյանին մենք չենք ընտրել։ Նրանք հեղաշրջումների շնորհիվ եկան իշխանության։ Այս Կառավարությունը և խորհրդարանը եկան իշխանության՝ ժողովրդի պարզ արտահայտված կամքով։ Դա ժողովրդավարության փոքր, բայց կարևոր հաղթանակն էր։ Դա է շրջվել, դա է դրժվել, դրանից է հրաժարվում Կառավարությունը»,- ասել է Խզմալյանը: Մանրամասները՝ տեսանյութում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am