Mamul.am
Ամբողջական տարբերակ Մամուլի խոսնակ
USD 485.29, EUR 569.58, RUB 6.39, GBP 620.78
+21 °C, +15 °C ... +27 °C Վաղը`+26 °C
Hay / Հայ | Рус | Eng | Tür
«Եթե սա լիներ հեղափոխությունից առաջ, ԱԺ-ի 50%-ը կլիներ մեր կողքին»․ Նինա Կարապետյանց
19:10, 10.08.2020

Իրավապաշտպան Նինա Կարապետյանցը նույնպես գտնվում է ԱԺ-ի հարակից տարածքում։
Այս անգամ ավելի ողջամիտ են, եթե հրահանգ են ստացել իրավապաշտպանին բերման չենթարկել, որովհետև անցած անգամվա իրենց գործողությունը միջազգային աղմուկ ստացավ, քանի որ դա խայտառակություն էր․․․»,- այս մասին լրագրողների հետ զրույցում ասաց Նինա Կարապետյանցը՝ «Ամուլսարը սար է մնալու» կոչով դիմելով ներկաներին։
«Երբ Ամուլսարը բացելու կոչեր են անում, որևէ խնդիր չկա, եթե կոչերն արգելված են միայն Ամուլսարը փակելու հետ կապված, դա նշանակում է, որ կա լռեցնելու հստակ հրահանգ․․․»,- նշեց իրավապաշտպանը։

«Ամենավատագույն ավանդույթներն այս իշխանություններն ընդօրինակել են, և ամենատխուրն այն է, որ այս ամենը տեղի է ունենում ԱԺ-ի հլու-հնազանդ լռության ներքո։ Եթե սա լիներ հեղափոխությունից առաջ, ԱԺ-ի գուցե 50%-ը կլիներ մեր կողքին կանգնած՝ գործնագործ խաղալուց։ Այսօր իրենք իրենց պաշտոններն ու պրեմիաները շատ ավելի թանկ են գնահատում, քան իրենց ընկերների, ՀՀ ժողովրդի, իրենց ընտրողների խոսքը կամ իրավունքը»,- նկատեց Նինա Կարապետյանցը։

Իրավապաշտպանի խոսքերով՝ Ամուլսարի շահագործման հետևանքով կորցրածը լինելու է անվերականգնելի։ Հետևաբար յուրաքանչյուր գիտակից մարդ պիտի հասկանա, որ սա իր երեխայի, ապագայի հայրենիքի անվտանգության համար տարվող պայքար է։

Տեղեկացրե՛ք Ձեր մտերիմներին
| |
դեպի վեր