Մինսկի կենտրոն են ժամանել Բելառուսի ներքին զորքերի գրոհայիններն ու ոստիկանության ստորաբաժանումները. հայտնում է ՏԱՍՍ-ը:

Գործակալության փոխանցմամբ, Անկախության պողոտայով, կենտրոնի ուղղությամբ շարժվում են ՕՄՕՆ-ի և ոստիկանների շարասյուները: Անկախության հրապարակի տարածքում նկատվում են հատուկ նշանակության ուժերի ավտոբուսները: Փողոցներում երթևեկությունը դեռևս չի արգելափակվել:

Մի քանի ոստիկանական և ջրցան մեքենաներ են տեղակայվել «Մինսկը՝ հերոս քաղաք» հուշակոթողի մոտ, որտեղ վերջին երկու օրերի ընթացքում տեղի են ունեցել բողոքի ակցիաներ:

Մոտակայքում՝ «Մաշերովայի» և «Պոբեդիտելի» պողոտաների երկայնքով ոստիկանությունը շղթաներ է կապել: Մի փոքր ավելի հեռու, իրավապահ մարմինները տեղադրել են մետաղական ցանկապատեր:

Հիշեցնենք՝ ցուցարարները բողոքում են կիրակի օրը Բելառուսում կայացած նախագահական ընտրությունների արդյունքների դեմ: