+13 °C, +13 °C ... +27 °C Վաղը`+28 °C
Բելառուսում ընդդիմությունը կրկին փողոց դուրս գալու կոչեր է արել: «Երեկ Մինսկը ցույց տվեց ամբողջ աշխարհին, որ միանգամայն հնարավոր է ճնշել դահիճների մեծաքանակ ուժերը: Մեր մարտավարությունը մնում է նույնը՝ այնպես անել, որ հատուկջոկատայինները չհասցնեն քաղաքի մի ծայրից մյուսը վազվզել՝ խաղաղ ցուցարարներին բռնելու համար: Դա արդյունավետ է: Եղեʹք ապակենտրոն, միʹ հավաքվեք կոնկրետ մի տեղում: Շրջեʹք առավելագույնը 20 հոգանոց խմբերով՝ արագ տեղաշարժվելով ու փակելով փողոցները: Կաթվածահար արեʹք երթևեկությունը: Թույլ չտաʹք անցնեն շտապօգնության մեքենաները, մինչև չհամոզվեք, որ դրանցում իրոք բուժաշխատողներ են: Եթե տեսնում եք՝ ուժայինները հարձակվում են, փախեʹք այս ու այն կողմ, հետո նորից հավաքվեք: Նահանջելու մեջ վատ բան չկա, եղեʹք ջրի պես: Մեր ակցիան խաղաղ է, երբեք նախահարձակ միʹ եղեք: Պատրաստ եղեք ինքնապաշտպանության ու միʹ մոռացեք պաշտպանիչ արտահագուստի մասին՝ սաղավարտներ, դիմակներ, վահաններ, կիպ ակնոցներ, ձեռնոցներ ու հակագազներ: Կարելի է հաստ ամսագրերով կամ գրքերով պատել մարմինը՝ որպես զրահ: Դրանք պաշտպանում են ռետինե փամփուշտներից: Պատրաստ եղեʹք լուկաշականների բռնություններին ու պրովոկացիանեին: Այդ սևազգեստ ֆաշիստներն արդեն սպանել են ազատության ձգտող բելառուսցիներին: Ամբողջ աշխարհն է հիացմունքով նայում, թե ինչպես բելառուսցիները վերջապես սկսել են ազատագրվել 26 տարվա բռնապետությունից: Մենք պարտվել չենք կարող»,- ասվում է ընդդիմության հաղորդագրության մեջ: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am