Թեև Բելառուսի իշխանությունները հայտարարել էին, որ այսօր 18:00-ից երկրի ողջ տարածքում անջատվելու է համացանցը, այնուամենայնիվ, ընդդիմությունը կարողացել է ինքնակազմակերպվել ու կրկին դուրս գալ բողոքի ակցիաների: Ըստ TASS լրատվականի թղթակցի՝ այս պահին Մինսկի փողոցներում հանգիստ է, մարդկանց մեծ կուտակումներ չկան: Ավելի վաղ հայտնել էինք, որ ընդդիմությունը որդեգրել էր փոքր խմբերով հատուկջոկատայիններին հոգնեցնելու մարտավարությունը: RIA-ն ն շում է, որ այս գիշեր էլ ուժայինները ծեծում ու ձերբակալում են խաղաղ ցուցարարներին: Հիշեցնենք, որ այն բանից հետո, երբ 26 տարի շարունակ երկիրը ղեկավարած Ալեքսանդր Լուկաշենկոն կրկին ընտրություններում հաղթեց ավելի քան 80% առավելությամբ, զայրացած բելառուսցիները դուրս եկան փողոց: Հատուկջոկատայինների ու ցուցարարների միջև բախումների հետևանքով արդեն կան 2 զոհ, բազմաթիվ վիրավորներ: |