Բելառուսում օգոստոսի 9-ից հետո սկսված բողոքի ակցիաների և բախումների ժամանակ վիրավորված ու ձերբակալված բելառուսցիներին օգնություն տրամադրելու համար կազմակերպված դրամահավաքի ընթացքում հավաքվել է գրեթե 1 միլիոն դոլար, գրում է Deutsche Welle-ը։ Այս մասին Facebook սոցանցում գրել է ակցիայի համակարգող Ալեքսեյ Լեոնչիկը:
«Մեկ միլիոն՝ վիրավորների, ձերբակալվածների և խեղվածների համար: Վաղը մենք արձանագրություն կհրապարակենք, թե ինչպես պետք է տուժածները դիմեն օգնություն ստանալու համար»,-նշել է Լեոնչիկը: BY Help նախաձեռնության կողմից դրամական միջոցների հավաքագրումը սկսվել էր դեռևս շաբաթներ առաջ: