Պատմաբան Ռուբեն Շուխյանը սոցկայքի իր էջում գրել է. «Արդյո՞ք մենք լավ գիտենք մեր սեփական պատմությունը՝ իհարկե, ոչ: Հիմա նույնպես, բարձրացնելով Սևրի պայմանագրի կամ Վիլսոնի վճռի հարցը, բացարձակ լռության է մատնվում ռուսական գործոնի դերը 1920-ին Հայաստանի անկախ պետականության անկման հարցում: Ամեն ինչ իր տեղն է գալու, երբ սահմանադրորեն ընդունվի Հայաստանի Առաջին Հանրապետության իրավահաջորդությունը, իսկ մինչ այդ՝ Երևանում դեռ մնալու է, օրինակ, Սարգիս Կասյանի նման դավաճանի անունը կրող փողոց, մինչդեռ 1920-ի աշնանն այդ ռուսական գործակալ-բոլշևիկն ամեն ինչ անում էր՝ անկախ Հայաստանը ժամ առաջ ռուս-թուրքական դաշինքին հանձնելու համար»: