+22 °C, +13 °C ... +23 °C Վաղը`+27 °C
Իսրայելում սեպտեմբերի 17-ին կրկին փակվել են դպրոցները և մանկապարտեզները: Պատճառը կորոնավիրուսի երկրորդ ալիքն է: Վաղվանից՝ սեպտեմբերի 18-ից, երկրում կրկին կարանտին է սկսվելու, որը կտևի 3 շաբաթ: Կարանտինի սիզբը համընկնում է հրեական Նոր տարվա հետ: Մեծ սինագոգն իր 62-ամյա պատմության մեջ առաջին անգամ փակ կլինի հավատացյալների առաջ: Ուրբաթ օրվանից իսրայելցիներին արգելված կլինի առանց ծանրակշիռ պատճառի հեռանալ իրենց բնակության վայրից 500 մետրից ավելի: Հավաքույթները ևս սահմանափակվում են, փակ տարածքներում՝ ոչ ավելի, քան 10 մարդ, բաց տարածքներում՝ 20: Պետական ծառայողների կեսը կաշխատի հեռավար, կփակվեն բարերն ու սրճարանները: Երեքշաբթի օրը ռեստորանատերները բողոքի ակցիա են իրականացրել. նրանք փողոցում ջարդուփշուր են արել սպասքը՝ ցույց տալով, որ նույն ճակատագրին է արժանանալու իրենց բիզնեսը սահմանափակումների պատճառով: Վերջին մեկ օրում Իսրայելում հայտնաբերվել է կորոնավիրուսի ավելի քան 5000 նոր դեպք: Ընդհանուր առմամբ, երկրում վարակվել է 170 հազար մարդ: Այսպիսով, Իսրայելն աշխարհում առաջին երկիրն է, ով երկրորդ անգամ կարանտին է մտցնում կորոնավիրուսի պատճառով: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am