Mamul.am
Ամբողջական տարբերակ Մամուլի խոսնակ
USD 494.01, EUR 585.25, RUB 6.47, GBP 646.41
+17 °C, +10 °C ... +21 °C Վաղը`+21 °C
Hay / Հայ | Рус | Eng | Tür
Ամուլսարի պահապանները դիմել են ՀՀ վարչապետին
14:10, 18.09.2020

Բնապահպան Շիրակ Բունիաթյանը ֆեյսբուքյան իր էջում տարածել է Ամուլսարի պահապանների հայտարարությունը. «Դիմում ՀՀ վարչապետ Նիկոլ Փաշինյանին

Հարգելի՛ վարչապետ Նիկոլ Փաշինյան, մենք՝ Ջերմուկ համայնքի բնակիչներս, ովքեր շուրջ երկուսուկես տարի է՝ բազմաթիվ հիմնավոր պատճառներից ելնելով, մեր ֆիզիկական ներկայությամբ ստիպված ենք փակ պահել դեպի Ամուլսար տանող հողային ճանապարհը, տեղեկանալով այն մասին, որ «Լիդիան»-ի տնօրենների հետ հանդիպմանը Դուք կարևորել եք Ամուլսարի շրջակա համայնքների բնակչության կարծիքը, դիրքորոշումը և հավասարակշռված շահը, ողջունում ենք դա:
Մենք՝ Ամուլսարի հարակից Ջերմուկ համայնքի բնակիչներս, հրավիրում ենք Ձեզ Ջերմուկ՝ ունենալու հանրային բաց հանդիպում:
Առաջարկում ենք, որ հանդիպմանը մասնակցեն նաև մեր համայնքի այն բոլոր սիրելի բնակիչները, ովքեր կողմ են Ամուլսարում հանք շահագործելու ծրագրին։
Հորդորում ենք չանտեսել մեր խնդրանքը և գալ այդ հանդիպմանը։
Մենք վստահ ենք, որ ժողովրդի կողմից ընտրված կառավարությունը, լսելով իր ժողովրդի համոզմունքը և տեղում ծանոթանալով իրավիճակին, ականջալուր է լինելու։
Մենք վստահ ենք, որ կառուցողական այդ հանդիպումը լիցքաթափելու և խաղաղեցնելու է վերջին շրջանում աննախադեպ լարվածության մեջ գտնվող Ջերմուկ համայնքը։

Այո՛, Դուք, Ջերմուկ գալով, ոչ միայն Ձեր որոշումների համար ձեռք կբերեք հստակ փաստեր, այլև համերաշխություն կբերեք մեր համայնք:

Սիրով սպասում ենք Ձեր արձագանքին։

Ամուլսարի պահապաններ»:

Տեղեկացրե՛ք Ձեր մտերիմներին
| |
դեպի վեր