ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+7 °C, +3 °C ... +13 °C Վաղը`+16 °C
#WeChat-ի և #TikTok-ի օգտագործումն ԱՄՆ-ում կարգելվի սեպտեմբերի 20-ից
00:10, 19.09.2020 | mamul.am
5537 | 0

ԱՄՆ առևտրի նախարարությունն արգելել է չինական Wechat և TikTok հավելվածները ներբեռնել երկրի տարածքում՝ սեպտեմբերի 20-ից: Այս մասին հայտնել Է Reuters-ը։

Նշվում է, որ Վաշինգթոնը արգելել է նաև վճարումները Wechat-ի ներսում:

Սեպտեմբերի 20-ից ԱՄՆ-ն կկասեցնի WeChat-ի աշխատանքը: Նման արգելք TikTok-ի համար սահմանվել է նոյեմբերի 12-ից։

Միևնույն ժամանակ, արգելքը չի տարածվում ամերիկյան ընկերությունների վրա, որոնք WeChat-ն օգտագործում են երկրի սահմաններից դուրս, այդ թվում են`Walmart-ն ու Starbucks-ը:

Financial Times-ի աղբյուրը հավելում է, որ ԱՄՆ-ի բնակիչները, որոնց մոտ արդեն ներբեռնված են WeChat-ն ու TikTok-ը, կկարողանան օգտագործել դրանք, սակայն թարմացումների բացակայության պատճառով ժամանակի ընթացքում աշխատանքի կայունությունը կնվազի:

Օգոստոսի 6-ին ԱՄՆ նախագահ Դոնալդ Թրամփը հրամանագիր է ստորագրել «սպառնալիքի դեմ պայքարի մասին», որն, իբր, բխում է չինական TikTok և WeChat հավելվածներից: Ավելի ուշ նա պահանջել է մինչև սեպտեմբերի 15-ը վաճառել TikTok ծառայությունը ամերիկյան ընկերությանը, հակառակ դեպքում այն կարգելվի ԱՄՆ-ի տարածքում:

Սեպտեմբերի 17-ին ԱՄՆ առաջնորդը հայտարարել էր, որ պատրաստ չէ ստորագրել Tiktok-ի գնման գործարքի տակ։

Կիսվի՛ր այս նյութով՝
դեպի վեր