Մեծ Բրիտանիայի վարչապետ Բորիս Ջոնսոնը հայտարարել է, որ երկրում սկսվում է համավարակի երկրորդ ալիքը, հաղորդում է «Интерфакс»-ը: Նա ասել է, որ ցանկանում է բաց պահել դպրոցները, ինչպես նաև տնտեսության բոլոր ճյուղերը. կարանտին կսահմանվի միայն խիստ անհրաժեշտության դեպքում: «Բախվում ենք երկրորդ ալիքի հետ, նույնը տեսնում ենք Ֆրանսիայում, Իսպանիայում, ամբողջ Եվրոպայով մեկ»,- ասել է նա՝ հույս հայտնելով, որ իշխանությունները կկարողանան իրավիճակը վերահսկողության տակ պահել: