Արցախի անվտանգության խորհրդի նախկին քարտուղար Վիտալի Բալասանյանը «Եռաբլուր»-ում հարգանքի տուրք է մատուցել անկախության համար զոհվածների հիշատակին:

Արձագանքելով ԱՀ նախագահի մամուլի խոսնակի հայտարարությանը, ըստ որի՝ Արայիկ Հարությունյանի համար ընդունելի չեն պաշտոնական հանդիպումներն այն քաղաքական ուժերի հետ, որոնք կասկածի տակ են դնում Նիկոլ Փաշինյանի գլխավորությամբ ՀՀ իշխանությունների վարած քաղաքականությունը, ասել է. «Եթե ես նախագահը լինեի, այդպիսի հայտարարություն չէի անի»:

Լրագրողի մյուս հարցին՝ ԱՀ նախագահը հայտարարեց, որ բանակցություններ չեն լինելու, մինչդեռ ՀՀ իշխանությունը..., Բալասանյանն ընդհատեց. «Վտանգավոր հայտարարություն է արել: Չի կարելի նմանատիպ հայտարարություն անել, ինչպես նաև վտանգավոր է՝ «Արցախը Հայաստան է և վերջ»: Արցախը հայկական երկրորդ հանրապետությունն է: Երբ Արցախի հարցը միջազգայնորեն կճանաչվի, ողջ հայությունը թող որոշի»: