Mamul.am
Ամբողջական տարբերակ Մամուլի խոսնակ
USD 494.01, EUR 585.25, RUB 6.47, GBP 646.41
+10 °C, +11 °C ... +21 °C Վաղը`+21 °C
Hay / Հայ | Рус | Eng | Tür
Թրամփին թունավորել փորձող կնոջն սպառնում է ավելի քան 20 տարվա ազատազրկում
20:50, 21.09.2020

Ինչպես արդեն հայտնել ենք, օրերս ամերիկացի իրավապահներն առգրավել են նախագահ Դոնալդ Թրամփին ուղղված մի ծանրոց, որի մեջ եղել է ռիցին թույն:

Հետախուզական աշխատանքների շնորհիվ, ինչպես տեղեկացրել ենք, հաջողվել է ձերբակալել մի կնոջ, ով ուղարկել է ծանրոցը: Պարզվել է, որ նա այն ուղարկել է Կանադայի տարածքից՝ Քվեբեք նահանգից: Ծանրոցն ուղարկելուց հետո կինը, որը նախկինում ձերբակալված է եղել ապօրինի զենքի շրջանառության, ապօրինի վարորդական իրավունքով երթևեկելու համար, փորձել է մտնել ԱՄՆ, սակայն սահմանին ձերբակալվել է:

Այժմ նրան սպառնում է ավելի քան 20 տարվա ազատազրկում: Նշենք, որ վերջին անգամ նամակով ուղարկած թույնով Թրամփին փորձել են թունավորել 2018-ին:

Ռիցինն ուժեղ ներգործող թույն է, որի հակաթույնը գոյություն չունի: Դրա անգամ փոքր չափաբաժինը մարդուն սպանում է կարճ ժամանակահատվածում:

Տեղեկացրե՛ք Ձեր մտերիմներին
| |
դեպի վեր