ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+13 °C, +5 °C ... +16 °C Վաղը`+20 °C
«Գերմանիան չի կարող հետաքննել Նավալնիի հետ կապված միջադեպը». գերմանացի իրավաբաններ
14:05, 22.09.2020 | mamul.am
3569 | 0

Գերմանական Suddeutsche Zeitung պարբերականը՝ հղում անելով քննչական շրջանակների աղբյուրներին հայտնում է, որ Գերմանիան չի կարող քրեական հետաքննություն սկսել Ալեքսեյ Նավալնիի հետ տեղի ունեցածի վերաբերյալ և որևէ մեղադրանք ներկայացնել, քանի որ միջադեպը տեղի չի ունեցել Գերմանիայի տարածքում:

Թերթի տեղեկություններով՝ նախքան կանցլեր Անգելա Մերկելի կողմից գերմանական նմուշառման ուսումնասիրության արդյունքները հրապարակելը, կառավարությունը խնդրել է իրավաբաններին պարզաբանել, թե արդյոք Գերմանիան կարո՞ղ է հետաքննություն սկսել, սակայն պատասխանը բացասական է եղել:
Բեռլինում պնդում են, որ Ալեքսեյ Նավալնին ենթարկվել է «Նովիչոկ» խմբի թունավոր նյութի ազդեցությանը։ Նման եզրակացության են եկել Մյունխենի լաբորատորիայի ռազմական թունաբանները: Ավելի ուշ օրգանիզմում նման նյութերի առկայությունը հաստատել են Շվեդիայի և Ֆրանսիայի անկախ լաբորատորիաները:
ՌԴ նախագահի պաշտոնական ներկայացուցիչ Դմիտրի Պեսկովը հայտնել է, որ մինչ Ալեքսեյ Նավալնիի՝ Բեռլին տեղափոխվելը նրա օրգանիզմում թունավոր նյութ չի հայտնաբերվել:

Կիսվի՛ր այս նյութով՝
դեպի վեր