Սան Ֆրանցիսկոյի հայկական Գրուզեան-Զաքարեան-Վասպուրական ազգային վարժարանի (KZV) տարածքում կրակոցներ են հնչել: Ոստիկանության աշխատակիցները շաբաթ առավոտյան հսկելիս են եղել դպրոցը, երբ ինչ-որ մեկը կրակ է արձակել, որը վնասել է դպրոցի ցուցանակը: Կրակոցների հետևանքով ոչ ոք չի տուժել։ Սա ատելության երկրորդ դրսևորումն է այս վարժարանում: Հուլիսի 24-ին ադրբեջանցիները վանդալիզմի էին ենթարկել Սան Ֆրանցիսկոյի հայկական դպրոցը. շենքի արտաքին պատերին ադրբեջանամետ գրաֆիտիներ էին հայտնվել: |