Այսօր՝ սեպտեմբերի 22-ին, Երևանի ընդհանուր իրավասության դատարանում, դատավոր Աննա Դանիբեկյանի նախագահությամբ, ընթացող Ռոբերտ Քոչարյանի և մյուսների գործով դատական նիստն ավարտվեց՝ պայմանավորված աշխատանքային օրվա ավարտով: Հաջորդ դատական նիստը դատավոր Աննա Դանիբեկյանը նշանակեց սեպտեմբերի 29-ին՝ ժամը 13:00-ին: Հիշեցնենք՝ այսօր դատարանը մերժեց Քոչարյանի պաշտպանական թիմի՝ քննիչին բացարկ հայտնելու մասին միջնորդությունը: |