ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+11 °C, +3 °C ... +12 °C Վաղը`+16 °C
Խաչքարի ընկնելու հետևանքով մահացածը Ջրառատի թաղապետն էր
23:20, 22.09.2020 | mamul.am
3869 | 0

Ինչպես արդեն հայտնել ենք, այսօր ողբերգական պատահար է գրանցվել Հրազդանում: Խաչքարի ուղղման աշխատանքների ժամանակ այն ընկել է Ջրառատի թաղապետ Ստեփան Կոտանյանի վրա, ինչի հետևանքով նա տեղում մահացել է:

Հրազդանի քաղաքապետ Սևակ Միքայելյանն իր ֆեյսբուքյան էջում գրել է. «Դժբախտ պատահարի հետևանքով այսօր կյանքից վաղաժամ հեռացել է մեր գործընկեր Ստեփան Կոտանյանը:
Խորապես վշտացած ենք Ջրառատ թաղամասում Հրազդանի համայնքապետարանի լիազոր ներկայացուցիչ` Ստեփան Կոտանյանի վաղաժամ մահվան կապակցությամբ:
Դժբախտ պատահարն այսօր խլեց մեր գործընկերոջ և մեծ բարեկամի կյանքը: Նրա մահը ծանր կորուստ է բոլորիս համար: Խորին ցավակցությունս և կարեկցանքս եմ հայտնում Կոտանյանների ընտանիքին, հարազատներին և ընկերներին: Հարգենք և վառ պահենք թեև կարճ, բայց բովանդակալից և հարգալից կյանքով ապրած ազնվագույն մարդու և ընկերոջ հիշատակը»:

Կիսվի՛ր այս նյութով՝
դեպի վեր