Mamul.am
Ամբողջական տարբերակ Մամուլի խոսնակ
USD 493.33, EUR 582.43, RUB 6.33, GBP 639.50
+10 °C, +11 °C ... +20 °C Վաղը`+19 °C
Hay / Հայ | Рус | Eng | Tür
Թրամփը թույլատրել է ԱՄՆ-ում կորոնավիրուսի դեմ արտասահմանյան պատվաստանյութերի օգտագործումը
10:45, 23.09.2020

ԱՄՆ նախագահ Դոնալդ Թրամփը թույլատրել է երկրում կորոնավիրուսի դեմ արտասահմանյան պատվաստանյութերի օգտագործումը։ Այս մասին հայտնել Է Սպիտակ տան մամուլի քարտուղար Քեյլի Մաքինանին։

«Ինձ համար միևնույնն է, ես պարզապես ուզում եմ ստանալ պատվաստանյութ, որն աշխատում է։ Ինձ չի հետաքրքրում՝ թեկուզ այն այլ երկրից է»,- Թրամփի խոսքերը մեջբերել է Քեյլի Մաքինանին։

Ընդ որում` Մաքինանին հիշեցրել է, որ այս պահին Օքսֆորդում մշակվող պատվաստանյութը, կլինիկական փորձարկումների 3-րդ փուլում է:

Ավելի վաղ Թրամփը նշել էր կորոնավիրուսի դեմ զանգվածային պատվաստումներ սկսելու ժամկետը: Նրա խոսքով՝ Միացյալ Նահանգները մինչև ապրիլ, կորոնավիրուսի դեմ պատվաստանյութի բավականաչափ չափաբաժին կարտադրի «յուրաքանչյուր ամերիկացու» համար: Ընդ որում` 2020-ի վերջին երկրում կլինի դեղամիջոցի առնվազն 100 մլն չափաբաժին:

Տեղեկացրե՛ք Ձեր մտերիմներին
| |
դեպի վեր