ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+6 °C, +5 °C ... +16 °C Վաղը`+20 °C
Նավալնիին դուրս են գրել հիվանդանոցից
11:50, 23.09.2020 | mamul.am
4487 | 0

Ռուս ընդդիմադիր քաղաքական գործիչ Ալեքսեյ Նավալնիին դուրս են գրել Բեռլինի «Շարիտե» կլինիկայից, որտեղ նա բուժվում էր թունավորումից հետո: Այս մասին հայտնել է բժշկական հաստատության կայքը։

«Ալեքսեյ Նավալնին, ով օգոստոսի 22-ից բուժվել է «Շարիտեում», դուրս է գրվել հիվանդանոցից»,- ասված է հաղորդագրության մեջ:

Կլինիկայում նշել են, որ հիվանդի առողջական վիճակը բարելավվել է այն աստիճան, որ անհետաձգելի բուժումը հնարավոր է եղել դադարեցնել։ «Բուժող բժիշկները ելնելով հիվանդի ներկա վիճակից՝ հնարավոր են համարում լիարժեք ապաքինումը»,- հայտարարել են «Շարիտեում»:

Այնտեղ հստակեցրել են, որ Նավալնին 32 օր է եղել հիվանդանոցում, որից 24-ն նա անցկացրել է վերակենդանացման բաժանմունքում։ Ծանր թունավորման որևէ հետևանքների մասին կարելի է դատել ավելի ուշ, եզրակացրել են բժշկական հաստատությունում:

Կիսվի՛ր այս նյութով՝
դեպի վեր