Խորհրդային Միությունը և Ռուսաստանի Դաշնությունը երբեք չեն անցկացրել հետազոտություններ «Նովիչոկ» թունավոր նյութի ստեղծման շուրջ: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով լրագրողի այն հարցին, թե ինչպես կհամաձայնեցնեք այն պնդումը, որ ՌԴ-ն երբեք «Նովիչոկ» չի ունեցել և Արտաքին հետախուզության պետ Սերգեյ Նարիշկինի հայտարարությունը, որ այդ նյութի բոլոր պահուստները ոչնչացված են: «Մենք բազմիցս ենք հայտարարել, որ ոʹչ Խորհրդային Միությունում, ոʹչ Ռուսաստանում, ի տարբերություն Արևմուտքի երկրների, երբեք չեն իրականացվել գիտահետազոտական և փորձակոնստրուկտորային հետազոտություններ «Նովիչոկ» պայմանական անվան տակ»,- ասել է Զախարովան: |