+14 °C, +14 °C ... +27 °C Վաղը`+28 °C
ԱՄՆ նախագահ Դոնալդ Թրամփը խուսափել է ուղիղ պատասխանից այն հարցին, թե արդյոք երաշխավորո՞ւմ է իշխանության խաղաղ փոխանցումն իր մրցակցին՝ Դեմոկրատական կուսակցությունից թեկնածու Ջո Բայդենին, նոյեմբերի 3-ին կայանալիք ընտրություններում պարտվելու դեպքում: «Տեսնենք, թե ինչ կլինի... Գիտեք, որ ես շատ խիստ դժգոհություն եմ հայտնել քվեարկության վերաբերյալ, և դա իսկական աղետ է»,- հայտարարել է նախագահը։ Խոսքը փոստով քվեարկության մասին է, որը դեմոկրատներն առաջարկում են առաջիկա ընտրություններում համատարած օգտագործել՝ համաճարակի պատճառով։ Թրամփն ավելի վաղ կարծիք էր հայտնել, որ այդ դեպքում ընտրությունների արդյունքները կարող են կեղծվել, և քվեարկությունն ինքնին խոցելի կդառնա արտասահմանից միջամտելու համար: Սպիտակ տան ղեկավարը հայտարարել է, որ փոստով քվեարկությունից հրաժարվելու դեպքում «ամեն ինչ շատ խաղաղ կլինի»: «Անկեղծ ասած, իշխանության ոչ մի փոխանցում չի էլ լինելու։ Կլինի շարունակություն»,- իր հաղթանակի մեջ վստահություն է հայտնել ԱՄՆ առաջնորդը։ Նրա խոսքով, քվեարկության գործընթացը դուրս է եկել վերահսկողությունից, և «դեմոկրատները դա ավելի լավ գիտեն, քան մեկ ուրիշը»: Ջո Բայդենիը, մեկնաբանելով Դոնալդ Թրամփի հայտարարությունը, ասել է, որ այն ուրախացրել է իրեն:
|
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am