+20 °C, +13 °C ... +24 °C Վաղը`+24 °C
Եվրոմիությունը Բելառուսի նախագահ Ալեքսանդր Լուկաշենկոյի երդմնակալությունն ու նախագահական նոր ժամկետը համարում է ոչ լեգիտիմ: Այս մասին ասված է ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելի՝ սեպտեմբերի 24-ին հրապարակած հայտարարության մեջ։ «ԵՄ-ն չի ճանաչել օգոստոսի 9-ի կեղծված ընտրությունների արդյունքները։ Դրա հիման վրա էլ, այսպես կոչված, սեպտեմբերի 23-ի երդմնակալությունը և Ալեքսանդր Լուկաշենկոյի ընդունած նոր մանդատը բավարար ժողովրդավարական լեգիտիմություն չունեն»,- ասված է տեքստում: Նշվում է նաև, որ ԵՄ-ն կվերագնահատի Մինսկի հետ հարաբերությունները։ Ինչպես արդեն հայտնել ենք, Լուկաշենկոյի երդմնակալության արարողությունը տեղի է ունեցել սեպտեմբերի 23-ին Բելառուսի մայրաքաղաքի Անկախության պալատում: Արարողության ամսաթվի մասին նախապես չի հաղորդվել։ Նույն օրը մի շարք երկրներ հրաժարվել են Լուկաշենկոյին ճանաչել Բելառուսի նախագահ։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am