ԱՄՆ-ում դատարանի միջոցով խնդրում են կասեցնել Tik Tok-ի ներբեռնման արգելքը։ Ամերիկյան իշխանություններն արդեն նոյեմբերի 12-ին ծրագրում են սահմանափակել հավելվածի աշխատանքը երկրում, եթե սոցցանցի վաճառքի գործարք չկնքվի: TikTok-ի սեփականատերերը դիմել են ամերիկյան դատարան և խնդրել ժամանակավորապես արգելափակել ԱՄՆ վարչակազմի որոշումը՝ Google-ի և Apple-ի խանութներից հավելվածի հեռացման մասին: Այս մասին հայտնել է Bloomberg գործակալությունը։ Նշված տեղեկատվության համաձայն՝ չինական ByteDance-ը խնդրում է դատական լսումներ անցկացնել՝ ներբեռնման արգելքն ուժի մեջ մտնելուց առաջ: |